Bhut kuch zinda hai ab bhi
Bhut kuch bacha hai ab bhi
Abhi to wo raat bhi na beeti meri
Abhi kaha meri shaam aayi
Abhi kaha teri rangat mere chehre se utri
Abhi kaha teri chahat se mei bikhri
Bhut kuch zinda hai ab bhi
Bhut kuch bacha hai.
Abhi kaha tujhse saari dil ki baat kahi
Abhi kaha tujhe saari raat kahi
Abhi to jee bhar ke tujhe thaama bhi nahi
Abhi to do pal sambhal kar tujhe nihara bhi nahi.
Abhi to bhut kuch baaki hai
Teri saugaat meri har baat meri subh teri shaam.
Bhut kuch bacha hai.
Ab bhi mere andar tere naam ka kuch zinda hai.
Abhi kaha maine tujhe pyar kiya
Abhi to jee bhar ke kaha izhaar kiya
Abhi to khaamoshi tuti thi
Abhi to nazro ne tujhe chuma tha
Abhi to bhut kuch bacha tha
Abhi to bhut kuch zinda tha.
Tere naam ki chubhan bhi baaki thi
Abhi to tere saath beeti har nazm baaki thi.
Abhi to bhut kuch bacha hai
Abhi to mere andar sab kuch zinda hai.
Do pal baad aankhe khuli to maalum chala
Ye sab kuch to ek tarfa hai.
Tere andar to mera kuch raha nahi
Tujhe kaha humse pyar hai
~pooja mishra
No comments:
Post a Comment